facebook    T: 598 944448 
1111 QA ტესტირების საფუძვლების თეორიულ-პრაქტიკული კურსის დაწყება დაგეგმილია 11 აპრილიდან. კურსი გრძელდება 1 თვის მანძილზე კვირაში 5 დღე, დღეში 2 საათიანი თეორიულ-პრაქტიკული მეცადინეობით და სულ 40 საათი ხანგრძლივობით. კურსი მოიცავს QA ტესტირების ყველა საბაზისო საკითხს რაც ვებსაიტების შემუშავებისთვის და ტესტირებისთვის არის საჭირო. მოგვწერეთ ფეისბუქის გვერდზე Frontend კერძო კურსები ასევე შეგიძლიათ ჩაერთოთ ფეისბუქის Manual ტესტირების ჯგუფში. Manual ტესტირება QA ტესტირების საფუძვლების თეორიულ-პრაქტიკული კურსის დაწყება დაგეგმილია 3 აპრილიდან.
კონსპექტები
QA ტესტირება,  FRONTEND პროგრამირება
კონსპექტები მოიცავს ყველა იმ საკითხს, რისი შესწავლაც მოხდება კურსებზე
ზოგიერთი საკითხის კონსპექტი შემუშავების პროცესშია
1. Manual ტესტირება 2. საიტების სრული ტესტირება 3. ტესტირების მეთოდოლოგიები 4. საიტის ელემენტების ტესტირება 5. საიტების კლასიფიკაცია 6. საიტის შემუშავება, ანალიტიკა 7. ტექნიკური დავალება, დოკუმენტაცია 8. საიტების სტრუქტურა და სტილები 9. საიტების დიზაინი და ინტერფეისი 10. ლენდინგ საიტის პრინციპები 11. HTML, CSS, JS პროგრამირება 12. markup კოდის პრინციპები 13. საიტების SEO ოპტიმიზაცია 14. ინსტრუმენტები - DevTools 15. ინსტრუმენტები - Figma 16. ინსტრუმენტები - Jira 17. ინსტრუმენტები - Trello, asana 18. ინსტრუმენტები - HTTP 19. ინსტრუმენტები - SQL 20. ინსტრუმენტები - GIT 21. ინსტრუმენტები - Zephyr, TestRail 22. ინსტრუმენტები - Selenium, Jmeter, Postman 23. ინსტრუმენტები - ზოგადი 24. მობილური აპლიკაციის ტესტირება 25. აგილე-სკრამ მეთოდოლოგიები 26. API ტესტირება
25.

აგილე-სკრამ მეთოდოლოგიები

  
                  ციფრული თუ სხვა სახის პროდუქტების(პროექტების) შემუშავებისათვის ძირითადად 3 სპეციალობაა: ბიზნეს ანალიტიკოსი, პროექტის მენეჯერი და პროდუქტის მფლობელი(Product Owner). მათი მოვალეობები უმეტეს შემთხვევაში თავსებადია და მხოლოდ რამოდენიმე საკითხში განსხვავდება.

  ბიზნეს ანალიტიკოსი = მარკეტინგისა და ბიზნესის სპეციალისტი, ახდენს ბიზნეს-პროექტების დაგეგმვასა და შემუშავებას, ბაზრის ანალიზს, სამომხმარებლო აუდიტორიის კვლევას, სარეკლამო გათვლებს. ასევე ახდენს საიტის საწყის პროექტირებას, ტექნიკური დავალების შედგენას, საიტის სტრუქტურის ჩამოყალიბებას, SEO მარკეტინგულ გათვლებს.

 პროექტის მენეჯერი არის ხელმძღვანელი პირი, რომელიც დაკავებულია შემკვეთებთან ურთიერთობით, ბიზნეს-ანალიტიკით, მარკეტინგით, პროექტის შემუშავებითა და შემდგომი მხარდაჭერით. ასევე ახდენს საიტის საწყის პროექტირებას, ტექნიკური დავალების შედგენას, საიტის სტრუქტურის ჩამოყალიბებას, SEO მარკეტინგულ გათვლებს.
  
 პროდუქტის(იგივე პროექტის) მფლობელი არის სქრამის გუნდის მთავარი მამოძრავებელი, პროექტის განხორციელებაზე პასუხისმგებელი, ადგენს მოთხოვნებს პროდუქტისადმი, ადგენს სამუშაო პროცესის მიმდინარეობის განრიგს(roadmap), ყოფს შესასრულებელ სამუშაოებს სპრინტებად, აწესებს სპრინტების ხანგრძლივობასა და მოცულობას(ბექლოგი), ახდენს ბექლოგის ელემენტების პრიორიტეტიზაციას, აკონტროლებს სამუშაოს შესრულების მიმდინარეობას და საჭიროების შემთხვევაში შეაქვს ცვლილებები.

 აგილე-მანიფესტი, რომელზეც არის დაფუძნებული სკრამ მეთოდოლოგია
  - ადამიანები უფრო მნიშვნელოვანია ვიდრე ინსტრუმენტები
  - ხარისხი უფრო მნიშვნელოვანია ვიდრე დოკუმენტაცია
  - შემკვეთთან ურთიერთობა უფრო მნშვნელოვანია ვიდრე კონტრაქტი
  - ცვლილებებისათვის მზადყოფნა უფრო მნიშვნელოვანია ვიდრე შედგენილი გეგმა

 სკრამის სამუშაო პრინციპები
  - ყველა პროცესი არის გამჭვირვალე გუნდის წევრებისთვის
  - გუნდის წევრები ახდენენ პროცესის მიმდინარეობის მუდმივ ინპექციას და ახდენენ ცვლილებების შეტანას
  - შემკვეთის მოთხოვნები გუნდის ყველა წევრისთვის მნიშვნელოვანია
  - სამუშაო სრულდება 1-4 კვირიანი ციკლებით(სპრინტებით), ყოველი ციკლისას ხდება შემკვეთთან უკუკავშირი.
  - გუნდის ყველა წევრი თავისუფალია გადაწყვეტილების მიღებაში და პასუხისმგებელია თავის სამუშაოზე.
  - ყოველდღიურად ხდება 15 წუთიანი შეხვედრა, სადაც გუნდის წევრები განიხილავენ წინა დღისით შესრულებულ და მიმდინარე დღისთვის დაგეგმილ სამუშაოებს, ასევე არსებულ პრობლემებს.

 სკრამის ტერმინები 
  - პროდუქტი = იგივე პროექტია, უმეტესად ციფრული პროექტი, შესაძლებელია სხვა ტიპის პროექტიც იყოს.
  - პროდუქტის მფლობელი = სკრამ გუნდის ლიდერი, პროდუქტის განვითარებაზე პასუხისმგებელი
  - სკრამ-მასტერი = სკრამის სამუშაო გარემოს უზრუნველყოფის სპეციალისტი
  - დეველოპერების გუნდი = ტექნიკური საკითხების პროფესიონალთა თვითორგანიზებადი გუნდი  
  - სპრინტი = წინასწარ განსაზღვრული ვადა, რომლის დროსაც უნდა შესრულდეს სამუშაოთა ნაწილი  
  - ბექლოგი = შესასრულებელ ამოცანათა სია, რომლებიც უნდა შესრულდეს სპრინტის განმავლობაში 
  - ინკრემენტი = პროდუქტის ბექლოგის იმ ელემენტების ჯამი, რომლებიც შესრულდა მიმდინარე
და წინა სპრინტების განმავლობაში.
 

 4. Product Owner-ის მოვალეობები 
  - ურთიერთობა შემკვეთთან, ტექნიკურ პერსონალთან და დეველოპერებთან
  - პროექტის შესწავლა, შემუშავება, მარკეტინგული ანალიზი
  - ბექლოგის შემუშავება, პროექტის დაყოფა შესასრულებელ ამოცანებად
  - სპრინტის დაგეგმვა და განხორციელების კონტროლი
  - შესასრულებელი ამოცანების პრიორიტეტიზაცია
  - ბექლოგის მართვა, ბექლოგის ამოცანების შესრულების კონტროლი
  - ფოკუს-ჯგუფის შექმნა, მომხმარებელთა ინტერესების შესწავლა
  - სტრატეგიების შემუშავება, ამოცანების გადაწყობა

 5. სკრამ-მასტერის მოვალეობები 
  - დეველოპერთა გუნდის დახმარება, სამუშაო გარემოს უზრუნველყოფა 
  - ხელს უწყობს და ეხმარება დეველოპერთა ჯგუფს ხარისხიანი და ღირებული პროდუქტების შექმნაში
  - აღმოფხვრის ჯგუფის მუშაობის პროცესში წარმოქმნილ შეფერხებებს
  - მოთხოვნისა და საჭიროებისამებრ ხელს უწყობს სქრამის პროცესებს და ფასილიტაციას უწევს მას
  - ასწავლის დეველოპერთა გუნდს, როგორ ადაპტირდნენ იმ გარემოში, სადაც სქრამი ჯერ კიდევ ახალია
  - ახდენს შესაბამის ცვლილებებს სქრამის ჯგუფის პროდუქტიულობის გასაზრდელად
 
 6. სპრინტი
  - სპრინტის ხანგრძლივობა განისაზღვრება ერთი თვით ან უფრო ნაკლებით 1 კვირამდე
  - ახალი სპრინტი იწყება მისი წინამორბედი სპრინტის დასრულებისთანავე.
  - Product Owner-ს შეუძლია, სპრინტი დროზე ადრე გააუქმოს
  - ყოველდღიური სქრამი გრძელდება 15 წუთი და ხდება გუნდის წევრების მიერ გასული დღის ანგარიშის ჩაბარება, მიმდინარე დღის მიზნებისა და პრობლემების განხილვა.

 7. სპრინტის განხილვა:
  - პროდუქტის მფლობელი იწვევს პროექტის ყველა მონაწილეს 
  - პროდუქტის მფლობელი განმარტავს, თუ ბექლოგის რომელი ელემენტი შესრულდა და რომელი არა
  - დეველოპერთა გუნდი განიხილავს, რომელი საკითხი განხორციელდა წარმატებით, რომლებს შეექმნა პრობლემა და როგორ გადაიჭრა ეს პრობლემები;
  - დეველოპერთა გუნდი ახდენს შესრულებული სამუშაოების დემონსტრირებას და პასუხობს კითხვებს ინკრემენტის შესახებ
  - პროდუქტის მფლობელი განიხილავს პროდუქტის ბექლოგის მიმდინარე სტატუსს და პროგრესის გათვალისწინებით განსაზღვრავს პროექტის დასრულების სავარაუდო თარიღებს 
  - მიმოხილვის დროს მთელი ჯგუფი განიხილავს და გეგმავს მომდევნო საკითხებს 
  - განიხილავენ რომელია მომდევნო ყველაზე მნიშვნელოვანი და ღირებული საკითხი
  - განიხილავენ პროდუქტის მომდევნო მოსალოდნელი გამოსვლის ვადებს, ბიუჯეტს და პოტენციალს 

 8. სპრინტის რეტროსპექტივა, მიზნები
  - ბოლო სპრინტის შემოწმება, თუ როგორი იყო წევრებს შორის ურთიერთობა, როგორ მიმდინარეობდა პროცესი და რა ინსტრუმენტები გამოიყენეს
  - იდენტიფიცირება იმისა თუ რა მიდიოდა სწორად და რა იყო პოტენციურად გამოსასწორებელი
  - პროცესის გაუმჯობესებისთვის სამოქმედო გეგმის შემუშავება, რათა სქრამის გუნდმა უკეთ შეასრულოს თავის სამუშაო.  

 9. განსხვავებული მეთოდოლოგიები, სკრამი და კანბანი
  - სკრამში მთავარია სპრინტის შესრულება, კანბანში მთავარია დასახული ამოცანების შესრულება.
  - სკრამი ორიენტირებულია ცვლილებებზე და უკუკავშირზე, კანბანი ამოცანების თანამიმდევრულ შესრულებაზე.

 სკრამის სამუშაო ონლაინ პროგრამა: https://www.atlassian.com ----- jira.com